Өлең, жыр, ақындар

Өмір теңіз, мен қайықпын, сен ескек

  • 08.11.2021
  • 0
  • 0
  • 464
Өмір теңіз, мен қайықпын, сен ескек,
Айдарымнан бақытымның жел еспек.
Мен өзіңді есіме алсам, құс жолы
Көз алдыма тұрады ылғи елестеп.
Әрбір жолын әшекейлеп зерменен,
Құстың жолын тартсам деймін жерге мен.
Осы ойлармен жанға тыным бермеген
Айлы аспанның бесігінде тербелем.
Аймалайды бір қоңыр жел бетімді,
Жетер жерге сыбырлап тез жетуді.
Аңсау менен сағыныштан жаралған
Құстың жолы үміт жолы секілді.
Ұқсайды ол түскен ізге қанатпен,
Қанат барда, бойда сабыр-тағат кем.
Күзгі аспанның бұрымындай өрілген
Тұрам аппақ құс жолына қарап мен.
Жастығымды қалайыншы бір көріп,
Сезім деген бітпейтұғын күнделік.
Саған деген сағынышымды жібердім,
Созылған ақ құс жолымен бірге өріп.
Тазалыққа биіктегі таңданам,
Сұлулыққа қарап көзім қанбаған.
Құстың жолы күміс көпір сияқты
Көкжиекпен көкжиекті жалғаған.



Пікірлер (0)

Пікір қалдырыңыз

Даладай даладағы ән кең келеді

  • 0
  • 0

Даладай даладағы ән кең келеді,
Сезімнің қырат-белдер пернелері.
Толқиды іштен шыққан ырғақпенен
Жер-ана — алтын бесік тербеледі.

Толық

Ауырмайтын жерім жоқ менің бүгін

  • 0
  • 0

Ауырмайтын жерім жоқ менің бүгін,
Жайнап тұрып солғандай көңіл гүлім.
Жаяу шамдай, бір өшіп, бір жанамын,
Өшірер ме жел үрлеп, өмір күнін.

Толық

Білмеймін кімге жылап, кімге сенем

  • 0
  • 0

Білмеймін кімге жылап, кімге сенем,
Шоқ іздеп қолым күйді күл көсеген.
Мұнарды көңілімді мұң басқанда,
Сәуле ішкім келеді бір Күн кеседен...

Толық

Қарап көріңіз