Өлең, жыр, ақындар

Жетісу

  • 08.11.2021
  • 0
  • 0
  • 894
Жетісу – менің тұрағым,
Жетісу – менің өз анам.
Айтылмай жүрген бір әнім,
Алдыңда жырмен сөз алам.
Сөз алам сендік таулардан,
Сөз алам сендік, бұлақтан.
Сөз алам, соқпақ,
жолдардан,
Күлдіріп кейде жылатқан.
Көркіңді өріп өлеңмен,
Желіңмен бетті жуамын.
Тұрғандай ылғи төбемнен,
Құйылып мейірім, шуағың.
Шығам да Алатауыңа,
Қатамын күнге еркін үн.
Өмірім алақаныңда,
Туған жер, сенсің – төркінім.
Неткен ыстық құшағың,
Елжіретіп, еріткен.
Қонамын да, ұшамын,
Қарлығашың болып мен.
Неткен ыстық түр-тұлғаң,
Тоймайды, қарап, жанарым.
Толқыныңнан бұлқынған,
Естимін даусын Сараның...
Болып арман туымдай,
Жасардың да жаңғырдың.
Ағысың бар жырындай,
Ілияс пен Жамбылдың!
Сезімге бір сел құйып,
Күлімдейді келер күн.
Алатауың ең биік,
Шаңырағындай өнердің.
Өмірім алақаныңда,
(Өзгеге титтей құстаймын.)
Еліктеп Алатауыма,
Еңсемді биік ұстаймын!



Пікірлер (0)

Пікір қалдырыңыз

Сылаң белдер сіміріп бір күйді алау

  • 0
  • 0

Сылаң белдер сіміріп бір күйді алау,
Сусып төмен түсіпті ақ желегі.
Таза ауадан майда қоңыр бұйралау,
Көктем иісі келеді...

Толық

Емеспін ақылды дана адам

  • 0
  • 0

Емеспін ақылды дана адам,
Жанымда жатталар жылдар мың.
Әуелде әлемге анадан,
Жарыққа таласып туғанмын.

Толық

Кел, кел деп тіл қатады ғасыр маған

  • 0
  • 0

Кел, кел деп тіл қатады ғасыр маған,
Тарихтай құпиясын жасырмаған.
Осынау аспанымнан әлі де бір,
Жұлдызым бар сияқты ашылмаған.

Толық

Қарап көріңіз

Басқа да жазбалар