Өлең, жыр, ақындар

Қанатын жайып қиялап ұшқан жас қиял

  • 08.11.2021
  • 0
  • 0
  • 634
Қанатын жайып қиялап ұшқан жас қиял,
О дағы бір аңсаған тоят аш қыран.
Қанталап көзі, тінтеді жерді биіктен,
Тінтеді жерді, тұманды бауыр астынан.
Топшысын оның бекіткен бастан жел жанып,
Аспанға шырқап, ауаны тілсе қақ жарып.
Мерт болып жолда кетсе де кері қайтпайды,
Тірлігін қайтсін, төмендегінің олжа ғып...
Кеудесін өртеп, сабырын сарқып асау қан,
Қаңғырар мәңгі мекенсіз жаққа басы ауған.
Аңсайды дауыл, дауылда туған қырандар,
О дағы бір тағдыры талас, жас арман.
Қиялдан ғана туғызып жаңа бастар күн,
Арнадан асқан толқынның бәрін жасқар кім?
Дауыс сап қыран, шамырқанып, шарқ ұрар
Қожасы құсап шыңдар мен биік асқардың.



Пікірлер (0)

Пікір қалдырыңыз

Жоры мейлің, айлакер, мені қуға

  • 0
  • 0

Жоры мейлің, айлакер, мені қуға,
Көңіл шыны кеседей толы мұңға.
Сылтау іздеп оңаша сенделемін,
Өзіңді іздеп барып бір жолығуға...

Толық

Іздерден түрлі құралған

  • 0
  • 0

Іздерден түрлі құралған
Соқпак, қой өмір бұралған.
Күтіп тұр мені бір үміт,
Күтіп тұр алдан бір арман.

Толық

Әупілдек

  • 0
  • 0

Қайранмын албырт қиял сол күнге мен,
Қияқтай тұлымшағы желкілдеген.
Мені алар «құбыжықтай» қорқушы едім,
Дауыстан таң атқанша әупілдеген.

Толық