Өлең, жыр, ақындар

Кәрі теңіз тебіренісі

  • 31.12.2021
  • 0
  • 0
  • 476
Табиғатқа тиесілі дегенге
Жұмыр жердің киесімін деп сендім.
Жағалау мен теңіз түбі бұл күнде
Үлесінде байлық қуған шефтердің.
Алас ұрған тірлігінен тірінің
Толқыным да толқымайды бүгінде.
Алпауытты келгеніммен еңсергім,
Дәрменсіздік құр теңселтті, теңселдім...
Пәрше-пәрше бөлініп тұр аумағым,
Ызы-қиқы төріндемін сауданың.
Күндіз-түні тебіренер толқыным
Екіталай маған енді сау қалу.
Шарлайтұғын айдынымды еркімен
Тамсандырған аққу қайда көркімен.
Бұлтың қағып, бұлтша аунақшып жүретін
(Жағалаудың байпаң қаққан еркесі)
Итбалық та арпалысар дертімен.
Беу, адамдар, түгенделіп бітер қашан
мұқтажың,
Тонаушыға бар ма титтей ықпалың?!
Тебіреністі теңіз жанын ұғатын
Шаршы әлемнен бір жан бар ма шығатын?



Пікірлер (0)

Пікір қалдырыңыз

Айгөлекке

  • 0
  • 0

Сендей дос менде ғана бар,
Мендей дос сенде ғана бар.
Жүрекпен ұқса досты – дос
Көңілің көркін таба алар.

Толық

Сөзімнен нәр ала алсаң...

  • 0
  • 0

Сөзімнен нәр ала алсаң тамшыдайын,
Жолыңда бұлағың боп аршылайын,
Шөлдесең, тұма болып тұна қалып,
Керексем, шөлің басып сарқылайын.

Толық

Құзғындар құлатқанда

  • 0
  • 0

Құзғындар құлатқанда
қиядан құзға итеріп,
Қарқылдап, қауқылдасып
«жатсын деп алтын басың,

Толық

Қарап көріңіз