Өлең, жыр, ақындар

Әлдеқайдан, жұмбақтау бір белдіктен

  • 14.01.2022
  • 0
  • 0
  • 442
Әлдеқайдан, жұмбақтау бір белдіктен,
Ажырамай қазақылау елдіктен,
Ғарыш жаққа ғажап сәлем жолдаймын,
Жер шарынан, параллельдік ендіктен.
Жер шарының арманы бар өзгеше,
Шар боп ұшқан бір нәрсені көздесе.
Құқы да бар қиянатқа төзбесе,
Қиналады жанын ешкім сезбесе.
Мекен етіп параллель бір елдерді,
Параллельді сырттағы жұрт тең көрді.
Бір сызықта қабыспайтын болғасын,
Әрі қарай жол тартуды жөн көрді.
Параллельдің барар жері шексіздік,
Шексіздікті тежейтұғын тексіздік.
Ебін таппай екі айналып қалады
Ортасында «е» дегізген епсіздік.
Параллельдер қабыспайтын болғасын,
Туған жердің табиғатын толғасын.
Бір-біріне күннен үшбу хат тасып,
Бір-біріне айдан сәлем жолдасын.
Параллельдер қабыспайтын болғасын,
Кемеріне асып-тасып толғасын,
Тура тартып қия жаққа кетеді,
Ата-баба аруағы қолдасын.
Параллельдер қабыспайтын болғасын,
Жанына ертіп жүреді ылғи жолдасын.
Маңайында тынбас қиқу, жанған от,
Шығады алып аман-есен ол басын.
Параллельдер қабыспайтын болғасын,
Мұзды мұхит мекенінде тоңғасын,
Сахараға жол іздейді сабылып,
Періштелер оң сапарын жолдасын.



Пікірлер (0)

Пікір қалдырыңыз

Күндерім менің пернемен айтты көп күйді

  • 0
  • 0

Күндерім менің пернемен айтты көп күйді,
Домбыра жылап, бұралып келіп шек түйді.
Шатыр да шұтыр тілініп аспан сәуірде,
Ұйқыда жатқан найзағайларға от тиді.

Толық

Үміт керек саған да, маған-дағы

  • 0
  • 0

Үміт керек саған да, маған-дағы,
Жылтырасын сары шам бағандағы.
Үмітпенен жасарып жер дүние,
Үмітпенен жайнайды адам бағы.

Толық

Толқыны асау толқыған өр өзен ем

  • 0
  • 0

Толқыны асау толқыған өр өзен ем,
Сусын бастым кепкенде кенеземен.
Қара талы жылаған қараша боп,
Жылдар өтіп барады терезеден.

Толық

Қарап көріңіз