Неткен күн жаңбыр менен қары аралас

Неткен күн жаңбыр менен қары аралас,
Ұмтылар ақ болуға қара ала ағаш.
Жаңбыр мен қар бірлігін мақұлдаймын,
Табиғат жаныңды әсте жараламас.
Шамдардың әлсіреді от белдігі,
Ол енді жарқыраудан кеткендігі.
Қаңтардың қаңтарлығы боранында,
Көктемнің қызғалдақта көктемдігі.
Сүйемін адастырар ақ боранды,
Ұнатам түн қойнауын қап-қараңғы.
Ұйтқыды соқыр боран, кілт тыншыды,
Ат зулап, шана зырлап, бақ таранды.

---