Өлең, жыр, ақындар

Менің жаным ән тұнған, бұлақ тұнған

  • 15.01.2022
  • 0
  • 0
  • 799
Менің жаным ән тұнған, бұлақ тұнған,
Көкірегін ояттты бұлап құмнан.
Алқымына симаған ару шабыт
Бозбаланың қолынан гүл ап тынған.
Қайта-қайта алақан шапалақтап,
Менің сұлу таңдарым атады аппақ.
Бір жылы ағыс тербеліп тұрады да,
Көлге қайта жүгірер қаталап қап.
Алашұбақ шаң тұрған, жел ысқырған,
Мазасыздық көремін тегіс қырдан.
Отты ағыстың ып-ыстық серпінімен
Ет жүрегім солқылдап, көп ышқынған.
Көп жүздестім ортамен, астанамен,
Тапқан кезде жүрегім баспана кең.
Тарлан өмір тәкаппар қалпында тұр,
Қайда әкеттің, аяулы, асқақ әлем!
Жылдам ұшқан зымырап зымыран жыл,
Рақат кештім зырғыған нұрынан бір.
Масайраған мамыр кеш манаурады
Майса қырға жауғанда жылы жаңбыр.
Төгіліп сыр жатады қай көңілде,
Қиялың кеткенде ұшып аймен мүлде.
Жаңбыр күн тамшы болып қала барды
Ғұмырдың кір қонбаған әйнегінде.



Пікірлер (0)

Пікір қалдырыңыз

Тыңдағаны арзан ән

  • 0
  • 0

Тыңдағаны арзан ән,
Талықсыған тар заман.
Жүрген кезде жағалап,
Құлататын жар жаман.

Толық

Ақ қайыңдар тербетіліп

  • 0
  • 0

Ақ қайыңдар тербетіліп,
Асығады қай жаққа?
Ғашық болып қалғандай-ау,
Жазғы жасыл аймаққа.

Толық

Табылғанда көңілдің аңсағаны

  • 0
  • 0

Табылғанда көңілдің аңсағаны,
Үн қосқанда жанымның сан шанағы,
Жер бауырлап қара бұлт қалса - дағы,
Сәуірдегі соққанда таң самалы,

Толық

Қарап көріңіз

Басқа да жазбалар