Өлең, жыр, ақындар

Тағатымды тауысып, тал бойымды тұтатқан

  • 16.01.2022
  • 0
  • 0
  • 1263
Тағатымды тауысып, тал бойымды тұтатқан,
Көзіңіздің қиығы.
Аңсаусыз да шаршаусыз бір мейірге жұтатқан,
Күндерім-ай бұйығы...

Сізді маған жіберген тәңірі шығар, расы...
Сөнбесін деп...жансын деп...
Өртенсін де, жаны күйсін, жыласын,
Өлең болып қалсын деп...

Сізді маған жіберген тәңірі шығар, расы...
Тәтті уынан татсын деп.
Тым биікке шықсын да тым тереңге құласын,
Шыңырауға батсын деп...

Солай шығар... мен соған сеніп жүрмін осы күн,
Ақылыма ие кім?...
Есігімнен енбейтін менің ессіз ғашығым,
Есіміңді сүйемін.

Көптен жаным дәл бұлай елеңдемеп еді ғой,
Жүр ме екенсіз алаңдап...
Маған , аға, сіз емес , өлең керек еді ғой,
Енді халім не болмақ?..



Пікірлер (0)

Пікір қалдырыңыз

Тірлікте тоғыспайтын жолдар барын

  • 0
  • 0

Тірлікте тоғыспайтын жолдар барын,
Біле тұра бәрібір армандадым.
Жек көріп кеттім сосын «Ұят» деген,
Өмірдің жалған заңын.

Толық

Жүрегім тірі екен ғой

  • 0
  • 0

Жүрегім тірі екен ғой,
Санағам тоқтағанға,
Елсізде жүр екем ғой,
Сен іздеп таппағанда.

Толық

Мен сізбенен дерттімін...Сіз қалайсыз?

  • 0
  • 1

Мен сізбенен дерттімін...Сіз қалайсыз?
Жүз жаралап жанымды жүз жамайсыз.
Жүрсем дегем жаурамай, жалындамай,
Бір сергелдең тап болды бізге абайсыз.

Толық

Қарап көріңіз