Өлең, жыр, ақындар

Ұлыстың ұлы күні

  • 17.01.2022
  • 0
  • 0
  • 921
Қарлы боран
Ығысып жер бетінен,
Наурыз келді
Керемет келбетімен.
Шүкіршілік!
Жерім кең,
Елім бүтін,
Тыныштық бесігінде тербетілем.
Басталғанда
Жыл басы барыс болып,
Барыстайын
Кеудеге намыс толып,
Ауызбірлігімізді сақтайықшы,
Алауыздық ауылынан алыс қонып.
Бірлік барда
Іргелі ел болармыз,
Иықтасып өзге елмен
Тең болармыз.
Бірлік кетсе
Бүлініп тірлігіміз,
Бөле жарып
Бөріге жем болармыз...
Есті азамат
Ел қамын ерте ойласын!
Қазағымның қазаны ортаймасын!
Екі мың елуінші жылға апарар
Жолға түсіп,
Бауырым,
Көр, пайдасын!
Толастамай
Той-думан дүрмектері,
Талмай ұшсын
Ақынның жыр-кептері!
Құтты болсын,
Наурызың,
Мұсылманым,
Мұхаммед пайғамбарымның үмбеттері!
Жамыратып
Жанымның жапырағын,
Шабытымды
Тағы бір сапырамын.
Ей, жамағат,
Ұлыстың ұлы күні
Наурызкөже ішуге шақырамын!



Пікірлер (0)

Пікір қалдырыңыз

Қазақ осы

  • 0
  • 0

Қазақ осы
Өзіңіз суреттеген,
Өнер сүйгіш жүрегін кірлетпеген.
Көңілі дархан дариядай

Толық

Өткен оралмайды

  • 0
  • 0

Сырың неткен тым ащы еді, жігітім!
Күз жетпей-ақ,
Үзілді ме үмітің?
Өткен күндер

Толық

Тұсау кесер

  • 0
  • 0

Басып тұрып
Адымын байқай ма екен?
Құлап түсіп,
Тұс-тұсын жайпай ма екен?

Толық

Қарап көріңіз