Ортамызға орал

Тұрсынай Оразбаеваға

Арманың құшақ жайғанда,
Қиялыңмен асып Айдан да...
Ақ бантик таққан балауса,
Күндерің қалды-ау Сайрамда!
Шымқалаң болып баспалдақ,
Жырларың ұшты аспандап.
Саясына алса Алматы,
Мәпелеп жатыр Мәскеу жақ...
Орындалып бір арманың,
Елменен елді жалғадың.
Еңбегің жанып, жан құрбым,
Елеусіз болып қалмадың.
Басыңа түсті ерек сын,
Тамыры терең терексің.
Ресейде өмір сүрсең де,
Өз еліңе сен керексің!
Сағынып тосар елің бар,
Еркелеп келер жөнің бар.
Басатын әлі белің бар,
Шығатын әлі төрің бар.
Абыройың асқақ, дүрсің-ай!
Алаштың жұрты жүр сұрай...
Сағындыра бермей өзіңді,
Ортамызға орал, Тұрсынай!

2012 жыл

---