Өлең, жыр, ақындар

Кешір!

  • 17.01.2022
  • 0
  • 0
  • 640
Әкел қолды!
Іздегенім – татулық,
Бір жолға қи өкпеңді.
Болды! Болды!
Керек емес қатулық,
Ұмытайық өткенді...
Болған істі
Айтар болсақ жасырмай,
Кінәлі де емес ем...
Мініңді айтсам,
Басыңнан сөз асырмай
Ыршып түстің неге сен?
Ақ жанымды
Түсінбесең, қарағым,
Жалғыздық боп үлесің,
Сезбедің бе,
Аласарып қаларын
«Достық» атты ұлы есім?..
Бүгіп қалу
Көңілдегі барымды
Маған тіптен жат қылық.
Теріс ұқпай
Адал түсін жанымды,
Ойымда тек – жақсылық.
Ұмыт бәрін!
Доссыз өмір
Өмір ме,
Бір жолға қи өкпеңді.
Күліп тағы
Қайта орнатшы көңілге
Жаймашуақ көктемді!



Пікірлер (0)

Пікір қалдырыңыз

Құттықтамадың

  • 0
  • 0

Бақ ішін кездім,
Ауыр ойлармен сенделе...
Мұңымды шақтым,
Бұлаққа, самал желге де...

Толық

Апта айларға

  • 0
  • 0

Апта айларға,
Айлар жылға жалғасып
Жаз жылысты,
Сары күзбен алмасып.

Толық

Жүрегім нені іздейді

  • 0
  • 0

Күй кешіп бастан жағымсыз,
Көңілім – күйрек, жаным – сыз
Тартады алдымнан
Сый қандай,

Толық

Қарап көріңіз