Өлең, жыр, ақындар

Соңғы сөз

  • 17.01.2022
  • 0
  • 0
  • 339
"Актер" болып екеуіміз,
Қойдық талай қойылым....
Қашанғы ойнар екенбіз,
“Мысық-тышқан” ойынын?
Дәл осы ойын біздерге,
Ұнап қалған сияқты.
Көңіл жоқты іздер ме,
Көзден жасым жиі ақты.
Қой... Болайын ақылды...
Қалмады ғой тіпті есім.
Бұл ойынның ақырғы,
Қойдым бүгін нүктесін.
Мені саған өткізбей,
Сезім күзге тоналған.
Мақсатыма жеткізбей,
Ішімде өлді көп арман...
Жетпесімді сезіндім,
Жүрегіңе – тас-қамал.
Кейін қарай шегіндім,
Қалмаған соң басқа амал...
Сөздеріңнің жалғанын
Ұқтым.
Бұған не шара?
Хақтан көріп қалғанын
Қоштасар жер – осы ара...
Туған жерге оралып,
Болам саған тек елес.
Кетсем солай жоғалып,
Кінәлі оған мен емес!



Пікірлер (0)

Пікір қалдырыңыз

Мамыр айында

  • 0
  • 0

Көктем кеп жасыл
Жібектен шапан жапқанда,
Алма ағаш гүлдеп
Шашына бантик таққанда,

Толық

Аппақ гүлдер

  • 0
  • 0

Далада қыс.
Аязды қатқақ күн де...
Ай нұрына шомылып
Аппақ түнде,

Толық

Сен болмасаң

  • 0
  • 0

Қиын-ақ қой
Күн кешу – сенім болмай,
Сәл нәрседен жүдейтін көңіл қандай!
Ақылдым-ау,

Толық

Қарап көріңіз