Әйелдің әні

(аударма)

Бір көтерем бәрін де мен,
сүрінсең.
Жаз жарқылдап жалынды өлең
бүгін сен.
Мен сүйемін -
жаныңменен
ұғын сен.
Жанарыңды жұлдыздарға
қадағын.
Қалсын жерде - құндыз қарда
садағың.
Текке өзіңді мұңды ызғарға
қамадың.
Ақ дауылдың шың-құздарда
сал әнін!
Тұншықтырам боранымен
жанымның.
Күміс күлкі оранып ем -
жалындың.
Шырқ үйірсем өр әніммен -
табындың.
Бұғаулаймын сананы мен,
жас қыран.
Ақша қардың шарабымен
мас қылам!

АЛЕКСАНДР БЛОК

---