Өлең, жыр, ақындар

Тебіреніп, толғана

  • 11.04.2022
  • 0
  • 0
  • 519
Тебіреніп, толғана
Түсін бәрін сен, бала.
Сағынышпен күн кешкен,
Ата-бабаң – шөл дала.
Бақыттысың сен деген,
Ештеңе әлі көрмеген.
Еріндері кеберіп,
«Азаттықтан шөлдеген» –
Ата-бабаң – түбірің,
Әкең – сенің тұғырың.
Бақыты үшін ұрпақтың,
Арнап өткен ғұмырын.
Бойын билеп намыстар,
Жауын жеңіп жаныштар.
Бабаң сенің – көк жиек,
Жақындасаң алыстар.
Жемістері күздегі,
Бабалардың біз – демі.
Сайрап жатыр бабамның,
Шөл далада іздері.
Іздер деген немене,
Дала деген кемеде.
Бабалардың көргені –
Немере мен шөбере.
Күй төгетін мөлдіреп,
Домбырада сол тиек.
Жақындасаң жеткізбес,
Келер ұрпақ – көкжиек!..



Пікірлер (0)

Пікір қалдырыңыз

Гимала мен Тагор

  • 0
  • 0

Ұлы Адам жатыр Үнді де,
Әлемді жаулап ақыры.
Биік-төмен басқыштай,
Өмір деген сатылы.

Толық

Еңсеңді көтер! Ертеңге қара! Ертеңге!

  • 0
  • 0

Еңсеңді көтер! Ертеңге қара! Ертеңге!
Ертеңсіз бүгін, Мереке күйін шертер ме!
Болашағымыз — Сұлу да, Әсем, Көркем де,
Тәтті өмір жатыр қауындай құлап өркенге!

Толық

Үш кезеңде жазылған үш өлең

  • 0
  • 0

Жер жаһаным тіршілк жасыл кілем,
Ата-бабам әруақ асыл кием.
Жер бетіндегі Бірінші Қазақ
Мен саған басымды ием.

Толық

Қарап көріңіз