Шөмішбай Сариев

Жұлдыз жолы ағылған

Бұл бетте «Жұлдыз жолы ағылған» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

14.04.2022
0
0
887

Жұлдыз жолы ағылған,
Мауқын басар сағынған.
Түн құпия махаббат,
Түн көрпесін жамылған.
Қайда бақыт, қайда бақ,
Жұлдыздармен Ай қарап.
Құшақтасқан түнгі әлем,
Ай астында аймалап.
Тәтті қандай түнгі ерін,
Сорған балдай тілдерін.
Аймаласып қос ғашық,
Істеп жатыр білгенін.
Жұлдыз айын шашқанда,
Түн көрпесін басқанда.
Төңкеріліп дүние,
Қос жанары аспанда.
Балалықпен қоштасып,
Жастық дәурен досқа ашып.
Дүниеде ешкім жоқ,
Бұл әлемде қос ғашық.
Көздер жанып шырақтан,
Сезім толқып бұлақтан.
Қос махаббат құлатпай,
Түнгі аспанды ұстап тұр.

26-27 қаңтар 2011 жыл
Алматы шаһары.

Шөмішбай Сариев жұлдыз жолы ағылған Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар