Өлең, жыр, ақындар

Картаға түспеген өзендер

  • 07.06.2022
  • 0
  • 0
  • 620
Жоқ олар әлемдiк картада.
Шықпаған атағы асқақтап,
сыймаған тарылған масштабқа;
құмайттан, шөлейттен қашқақтап,
табанын тiлдiрiп тастаққа –
ағады бозбала қанындай
көктемде – алқынып;
жалынсыз шағымдай
шiлдеде тартынып.
Жоқ олар әлемдiк картада.
Бар олар Сiбiрде, Кавказда, Арқада.
Ағады кектей жұлқынып,
қас батыр Қара Жер белiнен
қылыштай суырылып.
Күй етiп долданып
арнасын – алқымын,
ұстамай өксiгiн, солқылын
быт-шыт қып тастарға
ұрады толқынын,
кiшкене денесiн
күреске толтырып.
Керегi жоқ тiптi оларға
Беделi атақ пен даңқтың.
Картаға түспеген өзендер
бостандық, күрес пен шабыттың
тамыры сияқты
соғып тұр.



Пікірлер (0)

Пікір қалдырыңыз

Өктемге

  • 0
  • 0

Менi «үп» деп
Ұшырып жiбергiң келедi, –
Қураған
Жапырақ деймiсiң.

Толық

Өзгеріс

  • 0
  • 0

Не боп кеттi азып-тозып өңiрiм.
Не боп кеттi бұрқап, түтеп өмiрiм.
Iше-iше қасiрет пен құсаны
Уға толы ыдыс болды көңiлiм!

Толық

Бөспе

  • 0
  • 0

Көкжиектi толтырып жатқан
Көлдей көсiлiп,
Бұрқыраған желдей есiп отыр.
Дүниенi

Толық

Қарап көріңіз