Өлең, жыр, ақындар

Бүгінгі қоғам портреті

  • 25.06.2022
  • 0
  • 0
  • 843
Герольд Бельгерге

Оңға жүрсең –
Әне бір алаяқтар
Шалып қап құлатады.
Солға жүрсең –
Әне бір қаратаяқтар
Қақ маңдайыңнан
Салып қап сұлатады.
Жылатады!
Алға жүрсең –
Өрмекшінің торындай
Өтіріктің торына
Шырмаласың.
(Соларға қосылып
Өтірік айтпасаң
Онда сен
Бәрінен құр қаласың)
Мына қоғам
Қайтып шыға алмайтындай
Тұйыққа тірелген бір:
Қарашы,
Жерім мен елімді
Қандаладай талап
Быртиып семірген
Біреулер жүр.
Осының бәрін
Көре-көре
Үмітің сөне бастайды.
Сонан соң көрмейін деп
Көзіңді жұмсаң
Онда сені
Өліп қалған екен деп
Көме бастайды...
Парасатты,
Байыпты сөз айтсаң
Сені жынды санайды.
Сонан соң шыдамай
Шындықты айтсаң,
Онда саған
Қатал режимде отырған
Қылмыскерге қарағандай
Шошына қарайды.



Пікірлер (0)

Пікір қалдырыңыз

Қос ниет

  • 0
  • 0

Бұл өмiрде аз ба, көп пе үлесiң –
Бәрiбiр сен! –
Жылайсың да, күлесiң...
Ғұмыр бойы еркiңнен тыс! – өлгенше

Толық

Күн батарда

  • 0
  • 0

Дамылдаған арқасынан жүк түсiп
жатыр төбе, дөңес, жота бүк түсiп.
...Батып бара жатқан күннiң астынан
реактивтi самолеттер шықты ұшып.

Толық

Сұрақ белгілерінің көтерілісі

  • 0
  • 0

Сұрақтарына
Жауап ала алмай
Таусылған
Әбден шыдамы —

Толық

Қарап көріңіз

Басқа да жазбалар