Өлең, жыр, ақындар

Бүгінгі қоғам портреті

  • 25.06.2022
  • 0
  • 0
  • 695
Герольд Бельгерге

Оңға жүрсең –
Әне бір алаяқтар
Шалып қап құлатады.
Солға жүрсең –
Әне бір қаратаяқтар
Қақ маңдайыңнан
Салып қап сұлатады.
Жылатады!
Алға жүрсең –
Өрмекшінің торындай
Өтіріктің торына
Шырмаласың.
(Соларға қосылып
Өтірік айтпасаң
Онда сен
Бәрінен құр қаласың)
Мына қоғам
Қайтып шыға алмайтындай
Тұйыққа тірелген бір:
Қарашы,
Жерім мен елімді
Қандаладай талап
Быртиып семірген
Біреулер жүр.
Осының бәрін
Көре-көре
Үмітің сөне бастайды.
Сонан соң көрмейін деп
Көзіңді жұмсаң
Онда сені
Өліп қалған екен деп
Көме бастайды...
Парасатты,
Байыпты сөз айтсаң
Сені жынды санайды.
Сонан соң шыдамай
Шындықты айтсаң,
Онда саған
Қатал режимде отырған
Қылмыскерге қарағандай
Шошына қарайды.



Пікірлер (0)

Пікір қалдырыңыз

Тай қазан

  • 0
  • 0

Осы қазан ғажабы ғой ғажаптың,
Осы қазан қазаны ғой Азаттың...
Тұрған үнсiз ғасырларды қайнатып
Бұдан берiк қазаны жоқ қазақтың.

Толық

Осы бір жан

  • 0
  • 0

Аһ ұрса – көкiрегiнен! –
Қопарылыстар мен жарылыстардан
Күйзелген Семейдiң
Күл-топырақ

Толық

Дүниенi дүрлiктiрiп жұлқылап

  • 0
  • 0

Дүниенi дүрлiктiрiп жұлқылап,
Қара дауыл соқты дейсiң бұрқырап,
Ұшырардай екпiнiмен тасты да.
Соқты дауыл

Толық

Қарап көріңіз