Өлең, жыр, ақындар

Наурыз суреттері

  • 07.06.2022
  • 0
  • 0
  • 615
Бiр-бiрiмен табысып
ойдым-ойдым мұз-қарда,
жатыр ендi алысып
шуақ пенен ызғар да!
Нұры сiңiп етiңе
шымырласа күншуақ,
көлеңке жақ бетiңнен
қайта-қайта шымшылап!
Әлденеге кiртиiп
ауыр ағар бұлағың.
Бара жатыр iлмиiп
жiңiшкерiп жуаның.
Демiккен бiр тыныспен
бар айнала үздiгiп,
дiр-дiр етiп жiңiшкең
кеткелi тұр үзiлiп.
Талып бiр үн жетедi
тыңдап, қане, құлақ түр —
сiреу қардың етегi
ебiл-дебiл жылап тұр.
Дөңес бiткен бүкшиiп
әлдененi тұр аңсап.
Қөлеңке жақ түксиiп
сәуле сүзер шуақ жақ!
Аппақ сәуле, от-сепкен
дүниенi қуандыр,—
дегенiңше әп-сәтте
мұнар басар буалдыр.
Сол бiр көктен мұнартқан
сығалайды күн шығып,
жердi түртiп шуақта
қылтияды тiршiлiк.



Пікірлер (0)

Пікір қалдырыңыз

Айлы түнгі ақ қайыңдар

  • 0
  • 0

Думан көктем,
базар көктем,
той көктем!
Шарайнадай жарқырайды ай көктен.

Толық

Әупілдек

  • 0
  • 0

Жылдарым — жадау,
Айларым – жүдеу,
Кім келіп
Қолтықтан демейді?!...

Толық

Қалай да ендi жан салып

  • 0
  • 0

Қалай да ендi жан салып
жол берместен жаулыққа
сақтау керек Жер шарын
амандықта,

Толық

Қарап көріңіз