Темірхан Медетбек

Мыстан кемпір

Бұл бетте «Мыстан кемпір» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

14.06.2022
0
0
1681

Алтын сақамды алам деп
«Отырса тұра алмайтын,
Тұрса отыра алмайтын»
Мыстан кемпiрмен алыстым.
Ол да қарысты,
Мен де қарыстым...
Бiр тiсiн жұлып ап
Тауға лақтырдым.
Тау қозғалып,
Теңселiп кеттi,
Жота-төбелер
Жер шөгiп кеттi.
Шыңдардың
Тоқсандағы шалдардай
Шашы ағарды
Тастары
Кесiлген бастардай домаланды.
Бiр тiсiн жұлып ап
Мұхитқа лақтырдым.
Мұхит
Тоқсан жыл қорланды.
Тоқсан жыл долданды.
Жағалаудан сарқырап төгiлдi.
Кемелерiң
Қақырып сөгiлдi...
Жеңiске жеттiм!
Жаным марқайып қанды.
Күн қайта шықты.
Жұлдыздар қайта жанды.

Темірхан Медетбек мыстан кемпір Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар