Даукес

Дабысы
Дүниенi алып барады.
Дауысы
Құлақты жарып барады.
Қай кезде көрсем де
Шабынып тұрасың.
Даудан дауыл тұрғызып
Қағынып тұрасың.
Жай жүре алмайсың!
Соқтығасың!
Қақтығасың!
Бұлан-талан бүлiнiп –
Күл шашып,
Топырақ уыстап
Лақтырасың.
Бит шақса
Ит қапты дейсiң.
Шабақ тисе,
Мұхиттан шығып кеп
Кит қақты дейсiң.
Айналаны азан-қазан қып
Тұнықты лайлап
Сапыратының-ай.
Адам түгiлi! –
Шайтанның өзiне
Бала тастатып
Бақыратының-ай.

---