Өлең, жыр, ақындар

Көне құлпытастағы сурет

  • 25.06.2022
  • 0
  • 0
  • 488
Үстірттегі
Сисем ата қорымында
Шеттеу тұрған
Құлпытастың бетіне
Ұшып бара жатып
Қақ бөлінген
Сынған жебенің
Суретін салыпты.
Соны көрген
Жүрегім жарадай сыздап,
Жаным жабықты.
Омыртқа қайысып,
Қабырға сөгіліп тұр...
Елі үшін опат болған
Қайран боздақтың
Қабірі екені көрініп тұр.
Көзім мұнартты.
Айнала тірлікте
Жалт етіп
Әлдене аққандай,
Жарқ етіп
Әлдене батқандай...
Сынған шырпыдай ғана
Сол бір суретте
Аспаннан шатырлап
Омырылып түсетін
Отты найзағайдың
Қуаты жатқандай.
Иықтан басып алған
Қара бұлттай
Ап-ауыр мұң қандай...
Мейлі ол,
Көне қабір болса да,
Дәл осы жерде,
Дәл осы сәтте
Тағы бір
Арман опырылып,
Тағы бір
Үміт сынғандай!..
Орнымнан зорға тұрдым.



Пікірлер (0)

Пікір қалдырыңыз

Экологиялық апат

  • 0
  • 0

Жасыл емес, күлгiнбiз!
Ертеңдi ойлап зарықты үн.
Арасында жүрмiз бiз
қатер менен қауiптiң.

Толық

Бүгінгі хал

  • 0
  • 0

Қатал қыстағы
Алатаудың шыңдарын
Қатпар-қатпар
Мұз басқандай,

Толық

Қалың ұйқы

  • 0
  • 0

Сонау-сонау
Өткен ғасырдың басында
Міржақып Дулатов
“Оян, Қазақ” деді.

Толық

Қарап көріңіз

Басқа да жазбалар