Ерте қуарған ағаш

Соған қарап мен
Сан ойлар торабында
Адастым:
Жапырағы желбіреп
Толысып толған
Бір топ ағаш ішінде
Тамыры суалған,
Бұтағы қуарған
Ағаш тұр.
Өзгелер үшін
Өзін өлімге қиып
Бейшара сол ағаш
Босқа күйді ме?!
Әлде күре тамыры
Жер астындағы
Тасқа тиді ме?!
Жоқ әлде,
Сол бір ағаштың
Өзегінде –
Көзге көрінбейтін!—
Өрт жанды ма?!
Жоқ болмаса,
Сол бір ағашты
Қайғыдай
Дерт шалды ма?!
Дәл қазір
Оның тағдырын
Көз алдыма
Ғапыл елестетем:
Сол бір ағаш
Тезірек отынға айналып
Отқа түсіп
Жанып кеткісі келген
Ағаштардың ішіндегі
Ақын емес пе екен?!

---