Өлең, жыр, ақындар

Орда өлеңі

  • 10.07.2022
  • 0
  • 0
  • 1507
Асыр салып жарысқан
Құлын тайдай торлана,
Келдім аңсап алыстан
Мені туған Ордама.
Құшақ жая қарсы алдың
Ағайындар Әженнен,
Көрмей жүрсем аңсармын
Туған жерім ежелден.
Сағымменен мұнарта
Қарағайсың қол бұлғап,—
Көргенде-ақ құмарта,
Өлеңге де қонды ырғақ.
Жырыма жастай ілінген
Ыстық-ақсың тым,
Орда, Жалаңаяқ жүгірген
Ізім қалған құмыңда.
Отырсам да, тұрсам да
Көз алдымда Жасқұсым,
Өзгеге жаман болсаң да,
Өзіме тіпті жақсысың!
Бала жастан өсірген
Қызыл құмың құндақтап,
Ұлдарың сенің ел сенген
Үмітіңді тұр ақтап.
Жыл құсындай сағынып,
Келдім самғап өз Ордам,
Артқан маған сан үміт
Ақталар, сенен көз алман.
Отырсам да, тұрсам да
Көз алдымда Жасқұсым,
Өзгеге жаман болсаң да
Өзіме тіпті жақсысын.

1958



Пікірлер (0)

Пікір қалдырыңыз

Қалба құзы

  • 0
  • 0

Көп таудың бірі Арқада Қалба тауы,
Ақ құндақ асыр салған — аңға тауы.
Шыңғыстың хандығында қытай-моңғол,
Жорытып, батқан талай қанға тауы...

Толық

Май сәулеті

  • 0
  • 0

Тамаша, сүйем көркін осы майдың!
Өзі бір жырдай сұлу асылы айдын.
Аспаннан аңсап ұшқан аққу, қазды
Тұр мөлдір көк толқынды тосып айдын.

Толық

Жазулы тас

  • 0
  • 0

Езу тартпас қара тас
Бетіне әжім түспеген,
Жанымыздай біздің жас
Жалынды оты өшпеген.

Толық

Қарап көріңіз