Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Дон

Тайыр Жароков

Дон

  • 11.07.2022
  • 0
  • 0
  • 575
Кубань берік қазақтардың
Күлтеленген бүліс жоны,
Құзды жара, азат елдің
Көлбей аққан күміс Доны.
Көрдім Донның толқындарын,
Ақ сұңқардай саңқылдаған,
Жалтарысы — партизанның
Қылышындай жарқылдаған.
Қыз, бозбала шомылысқан
Донның сұлу назды өзені,
Қандай қызық аққу ұшқан,
Қаңқылдаған қаз жүзгені.
Көк құрағы берген көрік
Көркейе өскен шынарымен,
Алғыр қазақ алған ерік
Аттың ойнап құлағымен.
Сонан бері тынық Донның
Толқындары еркін аққан,
Сонан бері терең ойдың
Шын шабыты қанат қаққан.

1937

Тайыр Жароков дон Тайыр Жароков өлеңдері

Пікірлер (0)

Пікір қалдырыңыз

Өзі-ақ күн

  • 0
  • 0

Дабылынан Октябрь
Ойы - қырым оянып,
Ұлы арманға жеткен бір
Тұрған елім толғанып.

Толық

Қазақ даласы

  • 0
  • 0

Алтындап көкжиекті туған күндей,
Көктемде шешек атып жарған гүлдей,
Жаңа заң қуанышты жас өмірдің
Жұлдыздай туды нұрлы шыңына өрлей.

Толық

Жанымда менің жаз үні

  • 0
  • 0

Менің кейбір құрбыларым назданып:
– Тәке, неге лириканы аз жазып
Жүрсіңіз? – деп, мін тағады, – жүрекке
Күз жеткен бе, сізден көктем, жаз қалып?..

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер