Өлең, жыр, ақындар

Сенің туған отаның

  • 12.07.2022
  • 0
  • 0
  • 573
Жайна гүлдей жадырап,
Жас жеткіншек ұланым.
Қызыл ту нарттай албырап,
Келді Октябрь мейрамың.
Октябрьді туғызған
Ата-бабаң қан кешіп.
Октябрь бел буғызған,
Талпынған жасқа таңда өсіп.
Қуаныш үні қосылған,
Құлпырып қала, далада.
Бақыт берген осы таң
Алуан ана, балаға.
Шат жүректен сызылтып
Ән шырқаған пионер,
Білімнен гауһар тізілтіп,
Жүрегіңе құй өнер.
Мойныңда шоқтай көрінген
Қызыл жібек орамал,
Тамылжыған әніңнен
Таң бұлбұлы оянар.
Тойда көріп бойыңды,
Қызығыңа ел қарапты.
Ойынға бөлмей ойыңды.
Оқы, ұланым, сабақты.
Дариядай ойды тасытқан,
Білімнің көзі ашылған.
Таңыңда таңдап машықтан.
Мамандыққа жасыңнан.
Мамандық көп үйренер,
Білім теңіз шолсаңыз,
Профессор, инженер,
Ақын, жыршы болсаңыз.
Заманында құштың нұр.
Дана Ленин атаның.
Таудай еңбек күтіп тұр
Сендерден ұлы Отаның.

1948



Пікірлер (0)

Пікір қалдырыңыз

Бейбітшілік

  • 0
  • 0

Әлемге бейбітшілік қанат жайған,
Күштірек халық күші нажағайдан,
Біздің ел шындығының шұғыласы
Адамзат жүрегіне нұр боп жанған!

Толық

Көк арша

  • 0
  • 0

Таныс бізге көк арша
күнге еркелеп, тауда өскен.
Тау самалын оңаша
Жұтып, сұлу таңда өскен.

Толық

Орда өлеңі

  • 0
  • 0

Асыр салып жарысқан
Құлын тайдай торлана,
Келдім аңсап алыстан
Мені туған Ордама.

Толық

Қарап көріңіз