Өлең, жыр, ақындар

Американдар таң қалады

  • 21.07.2022
  • 0
  • 0
  • 666
Өлшеп,
Қиыр су жарынан
ССРО-ға
Көзін тігіп.
Көтеріліп табанынан
Америка
Тұр қараған
Киіп мүйіз көзілдірік.
«Неткен ел, – деп, –
Ерен туған.
Алыста алуан
Құрылыс құрған.
Бесжылдықты...
Қиялдаған...
Төрт жылда енді
Орындаған».
Америкалық өлшеуменен
Оларға сен
Бара алмайсың.
Не доллармен
Не тиынмен
Қызықтырып ала алмайсың.
Олар –
Нағыз адамшылық
Күш-қуатын аямастан
Аптада бір
Қалмай суып.
Тоқтамастан
Алға басқан
Бұл неткен жұрт?
Шыныққан нақ!
Оларды кім
Іске қосқан?
Қумайды оны
Ешбір таяқ,
Тәртібі нық
Көк құрыштан.
Ал, мистерлер
Ескі дәстүр
Сізде ақшаға –
Арды жалдар,
Сіз ұқпайсыз,
Іскен мистер,
Күшін біздің Коммунарлар.
Буржуй біткен
Көрді де, таң қал
Коммунистік биік жарды,
Жұмыста да аңғарыңдар,
Аэропланда,
Вагонда да
Қуып жетіп,
Озамыз біз
Жүйріксінген Американды.



Пікірлер (0)

Пікір қалдырыңыз

Ажал мен өмір

  • 0
  • 0

Адамзат өсіп, өніп түрге енеді,
Ағаш та көктем туса бүрленеді,
Аяймын, тек аз ғана өмір сүріп,
Гүл неге семер болса гүлденеді?

Толық

Партия газеті

  • 0
  • 0

Төрттен бірін жасап бүкіл ғасырдың
Тұғырыңда тұрсың толып мүшелін;
Большевиктік сөздің даңқын асырдың,
Сайрап тұрған бұлбұл тілді шешенім.

Толық

Май сәулеті

  • 0
  • 0

Тамаша, сүйем көркін осы майдың!
Өзі бір жырдай сұлу асылы айдын.
Аспаннан аңсап ұшқан аққу, қазды
Тұр мөлдір көк толқынды тосып айдын.

Толық

Қарап көріңіз

Пікірлер