Өлең, жыр, ақындар

Жүрдім қанша сүйгенімді сездірмей

  • 06.11.2021
  • 0
  • 0
  • 587
Жүрдім қанша сүйгенімді сездірмей,
Кездескенде лағып кетем сөз білмей.
Өмір сүрдің, мені мәңгі ыза ғып,
Жерде жатқан қурай ғұрлы көзге ілмей...
Назарыңды ала алмадым аударып,
Көкірегімде көгілдір бір шам жанып.
Айла-амалсыз, не істерімді білместен,
Оңашада отырамын дағдарып.
Келер күнге жетеміз бе біз аман,
Өз өртіме өзім жанып, қызарам.
Ішкі ойымды білмесін деп әдейі,
Көздеріңе тік қараймын ызадан...
Жүзің – жартас, әсер етпес ерке елең,
Күн сүйеді көкірегіңді ертемен.
Сен шалқайсаң, салқын тартып қабағың,
Қабағыңа иіліп мен өртенем.
Жалынамын жабыққанда ал шабыт,
Көзің көрсін, кайратым бар қаншалық.
Өрттей ыстық жүрегіммен сұп-суық
Жартасқа да ғашық болам, жан салып...



Пікірлер (0)

Пікір қалдырыңыз

Сырласамын өзім қалып өзіммен

  • 0
  • 0

Сырласамын өзім қалып өзіммен,
Сырласпаған, мұңдаспаған кезім кем.
Мына өмірден көзін жұмған көп досым,
Жас боп ақты жүрегімнен, көзімнен.

Толық

Мен өзіңді сүймеймін, сүйе алмадым

  • 0
  • 0

Мен өзіңді сүймеймін, сүйе алмадым,
Сүю жайлы тек іштей қиялдадым.
Қолды бір-ақ сілтер ем, бірақ, бірақ
Мен басқаның көз жасын қия алмадым.

Толық

Сарғайып жатты көк белдер

  • 0
  • 0

Сарғайып жатты көк белдер,
Сарғайып келді көктемдер.
Сарғайып хаттар жазады,
Ауылдан сонда кеткендер.

Толық

Қарап көріңіз