Советтік паспорт туралы өлең

Мен қасқырша
Мытар ем
Төрелікті
Мандаттарды
Құрметтеу
Жоқ-ақ әлі.
Өзге
Қағаз біткендер
Жоғал тіпті
Сайтан алсын дер едім
Ал мынаны...
Бойын өрлей
Купе мен
Каюттардың
Чиновник маңызданып
Жүріп келді.
Жұрт паспортын –
Берді оған
Мен де бердім –
Өзімнің
Нарттай қызыл кінежкемді.
Кей паспортқа –
Қарайды тыжырынып,
Мысалы алды
Құрметтеп
Бір паспортты
Қос арыстан басы бар
ағылшындық.
Жаутаң қағып,
Бас иіп,
Жаны қалмай,
Ізет тұтып
Алдында игі ағаның,
Кәдімгі бір
Шай-пайлық теңге
Алғандай,
Паспортын
Алды келіп американның
Афишаны көргендей
Ешкі үңіліп,
Польшаның
Паспортын да ашты келіп,
Ашты да,
Көзі тіпті шықты ұядан
Қайдағы
Бұл жаңалық? –
Деп ойлады
Піл сықылды
Полицей сұсты жаман:
Қылша мойны
Бұрылмай қатып қалған,
Ілтипатсыз
Қалыппен
Селт етпеген, –
Алды
Лезде
Паспортты датчандардан, –
Тағы
Әртүрлі
Әне бір
шведтерден.
Кенет –
Шошып түскендей
Отқа күйіп,
Аузы-басын қисайтып
Тақсыр тұрды.
Бұл господин чиновник
Алды келіп
Менің
Қызыл тері тыс
Паспортымды.
Алды
Бейне – бомбадай,
Я, кірпідей, –
Паспортымды
Қос жүзді
Ұстарадай.
Паспорт
Оған Жеті бас
Улы тілді
Көрінді
Екі метр оқ жыландай.
Берді ишарат
Ым қағып
Жүкші көзі, –
Жүк тасыған
Бон жүріп
Жай жанында.
Жандарм
Десе –
Тыңшы
Нені сезді,
Тыңшы қарайд
Ақырын жандармға
Мәз болар ед
Жандарм
Қинап қатты
Ұрып-соғып
Тепкілеп
Маған қас қып, –
Болғандықтан: –
Қолымда
Балға, орақты
Айбыны зор
Советтік қызыл паспорт.
Мен қасқырша
Мытар ем
Төрелікті.
Мандаттарды
Құрметтеу
Жоқ-ақ, әлі!
Өзге қағаз
Біткенде
Жоғал, тіпті –
Сайтан алсын дер едім
Ал, мынаны...
Мен шығарам
Кең қалта шалбарымнан
Дубликатымды
Ең асыл,
Ең қымбатты,
Көріңдер
Күндесеңдер, күйініңдер.
Мен
Совет Одағының –
Азаматы.