Өлең, жыр, ақындар

Муза

Өзіңсіз көкейге тұнар мұң,
Дауысыңды естуге құмармын.

Құштармын жүзіңді көруге,
Дайынмын сен үшін өлуге!

Мүмкін мен жынданған шығармын!

Ұнаттым өзіңді, пендемін,
Келмей ме жүректі емдегің?

Құбылам сәт сайын сынаптай,
Сезімім жатқан соң шыдатпай.

Сағынышыма айналдың сен менің!

Түсінші ахуалды мендегі,
Дәл бұлай жыр жазғым келмеді.

Барады көкірегім тым күйіп,
Қалдым мен өзіңді шын сүйіп.

Ол үшін сөкпеші сен мені!

Бәріне шыдаймын төзіммен,
Оқышы сезімді көзімнен.

Елемей дүниенің тарлығын,
Түбінде айтамын барлығын!

Қалғанда оңаша өзіңмен!


19.12.22



Пікірлер (0)

Пікір қалдырыңыз

Гөзел

  • 0
  • 0

Сені ойлаумен өтіп жатыр әрбір кеш.
Саған деген сезімімді жан білмес.
Гөзелім, сен жүрші тек шаттанып,
Аңсап қайтем махаббатты мәңгі өлмес.

Толық

Аңсау

  • 0
  • 0

Дидарың секілді гүл-көктем,
Ішіне ғажайып сыр бүккен.
Сағынам оралмас сәттерді,
Өзіңмен аяулым бірге өткен.

Толық

Алғашқы рет, соңғы рет

  • 0
  • 0

Мен сені көрген сәтте алғашқы,
Сен үшін төккен едім әр жасты.
Ал қазір өмірімнен мән қашты,
Көңілімді қар басты.

Толық

Қарап көріңіз

Басқа да жазбалар

Пікірлер