Өлең, жыр, ақындар

Адамның осы болар өлмегені

Шырағың маңдайдағы сөнбегені,
Қара жер бесігіне енбегені.
Бір басын қамсыз қылып жөндегені,
Емес ол адамдардың өлмегені.

Кеңесің көптің ойын өңдегені,
Ортада ықпалыңның деңдегені.
Ұрпақтан ұрпақ жалғап сендегені,
Адамның осы болар өлмегені.

Ақынның жырға қалам тербегені,
Батырдың жаyға қару сермегені.
Fалымның хикметті жөндегені,
Адамның осы болар өлмегені.

Ұстаның айшықты əсем зерлегені,
Аспанға əн əуеннің кернегені.
Тəтті күй көңіліңді тербегені,
Адамның осы болар өлмегені.

Шешеннің дауда ырық бермегені,
Көсемнің жан-тəнімен ел дегені.
Жеке бас қоғам үшін терлегені,
Адамның осы болар өлмегені.

Қисықты жолыңдaғы жөндегені,
Көңілдің жарақатын емдегені.
Көп үшін ымыраға көнбегені,
Адамның осы болар өлмегені.

Қаламшаң еккен көктеп өрлегені,
Ұрпaғың жарамды боп төрлегені.
Өнерге шындап құлаш сермегені,
Адамның осы болар өлмегені.



Пікірлер (0)

Пікір қалдырыңыз

Қайнары тасбұлақтың суалмайды

  • 2
  • 0

Басқа мал берекесіз құралмайды,
Бұранда шектен артық бұралмайды.
Қызыл шоқ жай қағазға оралмайды,
Дұние бір қалпында тұралмайды.

Толық

Талаптан

  • 1
  • 0

Өтемін десең сараптан,
Оянып жастар талаптан.
Жұрдай болма мұраттан.
Талап тумас салақтан

Толық

Менің жәйім

  • 1
  • 0

Ешкімге тілімді ал деп жалынбаймын,
Домнада лаулап тұрған жалындаймын.
Базардың өтіп тұрған малындаймын,
Қадалсам бір нәрседен алынбаймын.

Толық

Қарап көріңіз