Не десем екен – Ержан Қабышұлы Қабанбай

Ұқсатар ем тал бойыңды шынарға,
Көктем күні мақта шашып шулатты.
Нәзіктігің құралайдай деп едім,
Соңғы кезде киіктерді көп атты.

Шарап дедім масайғанда сезімге
Жасқандырдың ішкіш болып кетер деп.
Қызғалдақтай иісіңе тамсанам,
Ойдан тайдым біреу жұлып кетер деп.

Суретіңді қояр едім әр жерге,
Көз тиер деп айтып жатыр бір қазақ.
Ай жүзіне теңер едім көркіңді,
Ойландырды көрінгенде Айда дақ

#біркемдүние