Өлең, жыр, ақындар

Шежірелі қартың болса

  • admin
  • 09.08.2024
  • 0
  • 0
  • 938
Шежірелі қартың болса,
Қағазға жазған хатың деген,
Қарттың сөзі кітапқа жақын деген.
Жер ортада өлмесін атың деген,
Ер ортада өлмесін қатының деген.
Жігіттің алған жары жақсы болса,
Иманыңнан басқадан жақын деген.
Жігіттің алған жары жаман болса,
Қаншық иттей тақымдар кəпір деген.
Ата-бабаң үлгісі
Қазылған қара жолмен тең,
Ағайының көп болса
Ұлұғ əскер қолмен тең.
Жігіттің алған жары жақсы болса,
Жұмақтағы хормен тең,
Егер де жаман болса
Мына маңдайға біткен сормен тең.
Уа, жігіттер,
Əйел алсаң қарап ал, ақылдысын,
Ол сенің ақыреттік жақын кісің.
Келген мейманыңды жəне туғаныңды
Бірдей тəрбиелеп,
Ол жəне ұмытпасын хақтың ісін.



Пікірлер (0)

Пікір қалдырыңыз

Дүние деген шолақ депті

  • 0
  • 3

Дүние деген шолақ депті,
Жан кеудеге қонақ депті.
Ақырет деген бір киім,
Шал Құлекеұлы

Толық

Қаракөк, жылқы ішінде биемісің

  • 0
  • 0

Қаракөк, жылқы ішінде биемісің,
Құдай десең тамұққа күйемісің?!
Тағат, ғибадат, құдайға құлшылық қыл,
Шал Құлекеұлы

Толық

Қасыр-құсыр шайнайтын қайран тісім

  • 0
  • 0

Қасыр-құсыр шайнайтын қайран тісім,
Тіс кеткен соң кетті ғой менің күшім,
Кесек-кесек турайды, өзі жейді,
Шал Құлекеұлы

Толық

Қарап көріңіз