Өлең, жыр, ақындар

Сезім

  • admin
  • 02.09.2024
  • 0
  • 0
  • 240
Алабұртып атты тағы күле күн,
Нұрын шашты күнмен бірге гүл өңің
Бұл не ғажап, сені көрсем ару қыз,
Жиі соғып, өрекпиді жүрегім?

Өтті күнім жөнсіз сөйлеп желіккен,
Тыншып еді жалын атқан көрік дем.
Енді міне, сені көрсем аяулым,
Беймәлім бір күй кешемін, неліктен?

Қайырмасы:
Ақын жанның жырысың,
Махаббаттың гүлісің.
Түсін мені ырысым...
Сезімдерім жауапсыз
Көрген күнім құрысын.

Иығыма артылғандай тасып жүк,
Сезім маған көрсетіп жүр басымдық.
Бозбалалық аулы алыс қалса да,
Жас баладай күй кешемін, не сұмдық?

Азаптады дидарыңның нұры шын,
Жанымды ұғып, түсін мені ырысым.
Алабұртқан сезімдері жауапсыз
Ғашық жанның көрген күні құрысын.

Қайырмасы



Пікірлер (0)

Пікір қалдырыңыз

Керек кезде

  • 0
  • 0

Керек кезде,
керек жерде тумадым,
Арпалысып атақ-мансап қумадым.
Қуат Қайранбаев

Толық

Сабаңа түс, жүрегім

  • 0
  • 0

Сабаңа түс, жүрегім
Сабыр, сабыр, жүрегім,
Сабаңа түс, салқында,
Қуат Қайранбаев

Толық

Ақиқатты іздеу

  • 0
  • 0

Ақиқатты іздеу
Тәуелсіздік таңы атса да Тұранға,
Әлі бізді адымдатпас бұғау көп.

Толық

Қарап көріңіз