Өлең, жыр, ақындар

Астана

  • admin
  • 02.09.2024
  • 0
  • 0
  • 297
Тәуелсіздік таңы атса да Тұранға,
Әлі бізді адымдатпас бұғау көп.
Мұсылманға хақтың жолы Құранда,
Кім айтады ақтың жолы мынау деп?!

Тіршілікте тойым бар ма адамға,
Көкейлерде сауалдар жүр мың күпті.
Әркім өзін жөн санаған заманда,
Кім айтады қиып түсер шындықты?!

Тура бидің тұрағы елден алыстап,
Ақиқат та айтылмайды дәл бүгін.
Аяз билер, Жиреншелер қалыс қап,
Айтқан сөзі дұрыс боп тұр әлдінің.

Адамдықтың әдірем қап шарты ізгі,
Көңілдерді күмән бұлты торлауда.
Арашалау былай тұрсын әлсізді,
Әділет те зәру бүгін қорғауға.

Арамдардың алшы түсіп асығы.
Кес-кестейді алды-артыңды күліп бір.
Артық шығып асылынан жасығы,
Заман бетін жылпостарға бұрып тұр.

Иыққа алу тиімсіз боп ар жүгін,
Есірікке кетті ақылдың есесі.
Жаратқанға жетпей үні жарлының,
Ернеуінен асты ептінің кесесі.

Жиі құлап адалдардың байрағы,
Жалғандық жүр орын алып төрлерден,
Ақылымның содан шығып ойраны,
Күпті болған көңіл шіркін шерменде!



Пікірлер (0)

Пікір қалдырыңыз

Ғазал - ғұмыр

  • 0
  • 0

Ғазал - ғұмыр
Көз жүгіртсем өткенге,
көтермеппін жүкті аса.
Қуат Қайранбаев

Толық

Астана

  • 0
  • 0

Астана
Алыстан шалған маңайды,
Арқаның төсі арайлы.
Қуат Қайранбаев

Толық

От туралы ода

  • 0
  • 0

От туралы ода
Шүкір,
бүгін емхана емес,
Қуат Қайранбаев

Толық

Қарап көріңіз

Басқа да жазбалар