Өлең, жыр, ақындар

Ақиқатты іздеу

  • admin
  • 02.09.2024
  • 0
  • 0
  • 461
Тәуелсіздік таңы атса да Тұранға,
Әлі бізді адымдатпас бұғау көп.
Мұсылманға хақтың жолы Құранда,
Кім айтады ақтың жолы мынау деп?!

Тіршілікте тойым бар ма адамға,
Көкейлерде сауалдар жүр мың күпті.
Әркім өзін жөн санаған заманда,
Кім айтады қиып түсер шындықты?!

Тура бидің тұрағы елден алыстап,
Ақиқат та айтылмайды дәл бүгін.
Аяз билер, Жиреншелер қалыс қап,
Айтқан сөзі дұрыс боп тұр әлдінің.

Адамдықтың әдірем қап шарты ізг,
Көңілдерді күмән бұлты торлауда.
Арашалау былай тұрсын әлсізді,
Әділет те зәру бүгін қорғауға.

Арамдардың алшы түсіп асығы.
Кес-кестейді алды-артыңды күліп бір.
Артық шығып асылынан жасығы,
Заман бетін жылпостарға бұрып тұр.

Иыққа алу тиімсіз боп ар жүгін,
Есірікке кетті ақылдың есесі.
Жаратқанға жетпей үні жарлының,
Ернеуінен асты ептінің кесесі.

Жиі құлап адалдардың байрағы,
Жалғандық жүр орын алып төрлерден,
Ақылымның содан шығып ойраны,
Күпті болған көңіл шіркін шерменде!



Пікірлер (0)

Пікір қалдырыңыз

Қызғалдағым

  • 0
  • 0

Қызғалдағым
Ынтық еткен өзіне қызғалдағым,
Өмірімді көркейткен гүлзар бағым.
Қуат Қайранбаев

Толық

Астана

  • 0
  • 0

Астана
Тәуелсіздік таңы атса да Тұранға,
Әлі бізді адымдатпас бұғау көп.
Қуат Қайранбаев

Толық

Талдықорған

  • 0
  • 0

Тастағам жоқ Талдықорған мен сені,
Сағынышым көтертпейді еңсені.
Өзің едің тазалықтың теңеуі,
Қуат Қайранбаев

Толық

Қарап көріңіз