Алтыным, аяулым

Жарасып әніміз,
Жалындап жанымыз,
Бақытқа баладым ба?
Ай күнім арайлым,
Күлімдеп қараймын.
Мөп-мөлдір жанарыңа!

Қайырмасы:
«Жаным» деп ән салам,
Арманым аңсаған,
Дәл бүгін бақытты күн!
Жарқыным, баяным,
Алтыным, аяулым,
Өзіңмен бақыттымын!

Жарқ еткен көңілім,
Сенсің ғой өмірім.
Жеткізер тілегімді.
Құлпырған ақ гүлім,
Өзіңсін шат күнім,
Тербеткен жүрегімді.

Қайырмасы:
Сен маған тіл қаттың,
Сұлуым сымбаттым,
Жаныңмен жарасасың.
Айтылар ойымды-ай,
Қап-қара мойылдай
Төгілген қара шашың.

Жүректен тым нәзік.
Қалдырдым жыр жазып,
Жаралған әнім үшін.
Көңілге тұңғиық,
Кеттің бе нұр құйып,
Сүйіктім, сағынышым!

Қайырмасы:
«Жаным» деп ән салам,
Арманым аңсаған,
Дәл бүгін бақытты күн!
Жарқыным, баяным,
Алтыным, аяулым,
Өзіңмен бақыттымын!

---