Нижний тагил

Сорғалаған үстінде бүркіт әні,
Қалыпты есте күрең бел Түлкі тауы,
Нижний Тагил қапты есте бар қалпымен
Отпен жазған Оралдың бір кітабы.
Қалыпты есте солдаттай соғыстағы
Нижний Тагил суреті сол тұстағы.
Найзағайлы бұлттардай түтіндері,
Қалыпты есте цехтардың корпустары.
Майдан мен тыл үстіне көпір жасап,
Күндіз-түні ұйықтамай ол тұрды сақ.
Қалыпты есте жалыннан сауыт киген,
Болатшылар секілді кемпірқосақ.

---