Сәтті арадай бал терген қанша гүлден

Сәтті арадай бал терген қанша гүлден,
Көксегенін көкіректің аша білген.
Заңғар ойшыл Рудаки – нағыз алып,
Ой пернесін әлемнің баса білген.
Осы менің тапқаным ғаламаттан,
Өзге өнерін саусақтап санап жатпан.
Мұсылманнан ғана емес,
Ол данышпан
Орын алған ең озық адамзаттан.
Шексіз сүйді жазғанын оқырманы,
Әр рубаиы ғазелдер нөпір мәні.
Қосамын деп қай кезде қай аспапты
Дирижердей елестетер отырғаны.

08.12.2007.
Астана

---