Сырбай Мәуленов

Суы осы нұраның

Бұл бетте «Суы осы нұраның» атты Сырбай Мәуленов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

07.02.2016
0
0
2377

Шахтер нұсқап бір үйді
Кетті өзі бастап-ақ.
Көп екен өр, ылдиы,
Шамасы он баспалдақ.
Сатылар да сартылдап,
Өттік асу біз қанша.
Ашты есігін жарқылдап,
Шахтер жары Биғайша.
Алдымыздан ашылды
Бір есіктен бір есік.
Электр шам асулы,
Бөлмеде гүл тұр өсіп.
Батса керек жол қатты
Қалдым бір кез су сұрап.
Салқын суды саулатты
Кранды ағай бір бұрап.
Орнынан тез ол тұрып,
Деді:—«Шырақ, бұл ағаң.
Өз үйінде отырып,
Су ішеді Нұрадан».
1953

Cырбай Мәуленов өлеңдері Суы осы нұраның өлеңі

Пікірлер (0)

Пікір қалдырыңыз

Жиі қойылатын сұрақтар