Әке

Әке-ау, сендей бола алмайды екем,
Төзімің қандай еді-ау, неткен бекем?
Бітірген дымым жоқ мына өмірде,
Мәңгілік мұңды арқалап өтем бе екен?

Неткен мықты жан едің, қайсар едің,
Қайғыға басыңды имес жайсаң едің.
Пасық жүзді, пәс ойлы адамдарға,
Шыдаған сен бір асқар қайрат едің.

Көргенде сұрқияны күлімдеген,
Жүрегің қалай ғана түңілмеген?
Мен бүгін бір пендеден сөз естісем,
Өзегім өрт боп жанып, дірілдегем.

Қазір қиын, әкешім, заман басқа,
Адалдық айналғандай арзан тасқа.
Қарасам, айналама, адамдарға.
Көздерім толып кетед ащы жасқа.

Бітірмей бір ісімді оңдыратын,
Балаңа айналдым ба атыңды қор қылатын.
Сендей бір дара тұлға бола алсамшы,
Белестерді өз жолыма қондыратын.

---