Өлең, жыр, ақындар

Комарово

  • 07.02.2016
  • 0
  • 0
  • 1753
Репин жатқан қорған-оба
Жасанды көл.
Гүл алаңы.
Қарағайлы Комарово,
Финнің жалпақ шығанағы.
Құлағыма құйып өлең
Бір ай бойы сыбырладың.
Мен де жасыл иірімнен
Үнсіз-түнсіз сыр ұрладым.
Жайбарақат жатты Балтық
Шу асаудай түскен ноқта.
Төсіне күн батты балқып,
Сом темірдей піскен отта.
Жоқ томсарған тастарда тіл
Тыныштық теңіз алабында.
Жерде көкшіл аспан жатыр
Кронштадт қамалы ма?
Арбап сиқыр ертегі елес
Алысқа алып жүзді мені.
Сүйді беттен ертелі-кеш
Көк теңіздің тұзды желі.
Қарап айдын ұшанына
Толқындарды құшаққа алдым
Теңіз маған ұқсады да,
Мен теңізге ұқсап қалдым.
Желпіп жырдың сырлы сазы
Жаңғырығып қалдым біраз.
Рақмет,
Фин бұғазы,
Рақмет, жаңбырлы жаз!



Пікірлер (0)

Пікір қалдырыңыз

Есіл толқындары

  • 0
  • 0

Кең даланы қыдырып,
Сен келесің жырменен.
Жағалауды жүгіріп,
Көмкересің гүлменен.

Толық

Терезе – көз

  • 0
  • 0

Үй дегенің — ұлы өмір
Бар қайғысы, шаттығы.
Үй дегенің — ұлы өмір
Бар жастығы, қарттығы.

Толық

Құштарлық

  • 0
  • 0

Жұлдыз біткен жүр Айдың күзетінде,
Кірпік қақпай, көз жұмбай қарауылдап.
Жүзеді олар аспанның мұз бетінде,
Ақ шаңғылы жеткенше таң адымдап.

Толық

Қарап көріңіз