Ата-ана
- 0
- 2
Тәлімге ұлды шақырар,
Қызға да дейді - қарағым.
Тілеуін тілеп отырар
Әрдайым үйде баланың.
Алдыңдар ата-ананың ақ батасын
Отаудың еңсе тіктеп тағы бағы,Ақ ниет ақ тілектен танылады.
Думаны басталды да, міне, ұлттың
Жаңа бір бой түзеді шаңырағы.
Бүр жарған сезім оты жүрегінде
Бақыт боп екі жастың тұр өңінде.
Ақ сезім, пәк махаббат тағы бүгін
Бекіді жүзік-серт боп, міне, өмірде.
Артта қап ата-ананың алаң күні,
Қош айтты қыз бен ұлдың балаңдығы.
Сезілер енді олардан бір-біріне
Шымылдық-ниеттей ақ адалдығы.
Еске сап салт-дәстүрдің жаңғырығын,
Тағы бір отау оты жанды бүгін.
Жалғайтын сендерсіңдер ертеңдерге
Өр ұлттың арман еткен мәңгілігін.
Өмірге қадам жасап аттағасын,
Алдыңдар ата-ананың ақ батасын.
Сол жолда ізгіліктен бөгде ниет
Төріне көңіліңнің аттамасын.
Несіп қып жақсылардың жүздесуін,
Сендерге қадамасын өзге сұғын.
Ұқсаң да жеті жұрттың құндылығын,
Қымбат боп тұрсын мәңгі өз бесігің.
Халқыңдай қасиетті, іргелі елдің,
Қастерлі, қадір тұтар біл дерегін.
Болмысын өзгертпесін десең ұрпақ,
Қашанда берік болсын іргелерің.
Тәңірің жолықтырмай қайғы-мұңға,
Әр шақта жол сал бақыт айдынына.
Отауың - енді өздерің қалап тіккен
Шомылсын бақ сәулелі ай нұрына!
Еске сап ерке шақтың сан қылығын,
Біліңдер адалдық деп - мәңгі ұғым.
Сезініп өзің сүйген жүрекпенен
Ұққайсың жаныңдағы жардың үнін.
Болса да махаббаттың жыры басым,
Бағасын сан сынақпен ұғынасың.
Арманы ортақ болған қос жүректің
Сезімі сол сынақта суымасын.
Тілесең орнасын деп бағың да нық,
Біріңді-бірің сүй де, жалындап ұқ.
Ақ неке, ақ ниетпен, міне, бүгін
Тағы бір отау шамы жағылды анық.
Отбасы, ең бастапқы сол - Отаның,
Ата-ана қорғаштайды балапанын.
Бір-бірін шын ұғынған екі жүрек,
Құт болсын көтерілген ақ отауың!
Пікірлер (1)
Пікір қалдырыңыз
Қазағымның ардақты келіндері
- 0
- 0
Ақсақалға ұсынып төрін берді,
Алғысына бөленіп көңілдері.
Жасы үлкенге жаңылмай сәлем салған -
Қазағымның ардақты келіндері.
Азаттықтың Ата Заңы
- 0
- 0
Бір шақта азаттық деп алаңдадың,
Жаңғырды сол тарихың санаңда мың.
Тізесі барды бүктіріп, елдік құрып,
Басы барды еңкейткен қағандарым!
Қарап көріңіз
Басқа да жазбалар
Пікірлер
-
Каусар
Өте керемет -
Ок
Ок -
Әсел Айша
Өте ақылдымыз -
Динара
Шынымен де әдемі мектеп екен
Miras
өте күшті