Өлең, жыр, ақындар

Тәуелсіздік – тәуекел

Ғасырлар үнін жаңғыртып жеткен бостандық –
ғасырлар бойы зарығып жүріп тосқан құт.
Аңсаған арман қанатындағы бір үміт –
Азаттық оты өшпесе екен деп жасқандық.
Сол үшін боран, дауылды тосып кеудемен,
сол үшін ақ қар жамылып, көк мұз жастандық.

Ананың сүті сіңірген бойға тілі үшін,
бабадан жеткен құдіретті күш – діні үшін,
шетсіз де шексіз кең-байтақ Ұлы далада
еркіндік кешкен, самалдай ескен күні үшін,
қасқайып тұрып қарсы алған қара түнекті,
қазағым менің – қайсарым, елім – ірі, шын!

Тәуелсіздігім – тәуекел, түбі – ырысым,
қырандай самғап, кеңіткен кеуде тынысын.
Қарашаңырақ астына жиған Отаным
тағдыры, тіні, танымы өзге ұлысын.
Қасиет тұнған бойынан қазақ жұртының
тектілік көрді Батысым менен Шығысым.

Жайдары жаздың шуағын құшсын алашым,
көктемнің гүлі көркейтсін дархан даласын.
Жаратқан Тәңір оятсын ұрпақ санасын,
ұлағат тұтар ұлықтары менен данасын.
Баянды қылсын егемен елдің ертеңін,
бақытты етсін қазақтың әрбір баласын!



Пікірлер (0)

Пікір қалдырыңыз

Сыныптастарға

  • 0
  • 0

Алғаш қоңырау үнімен кірдік,
Әліппе ашып, білім меңгердік.
"Үздік" те болдық, "үштік" те болдық,
Тәлім-тәрбие жүгін өңгердік.

Толық

Өмірім - жолым

  • 0
  • 0

Сансыз жолдар - сансыз жылдар таңбасы,
Тағдырлардың тоғысатын арнасы.
Тоғыз жолдың торабында жатады
Бүгін менен болашақтың жалғасы.

Толық

Далам менің

  • 0
  • 0

Гаухар, маржан, асылдардан жаралған
көңілінен көктем нұры таралған.
Ақ пейілдің раушан гүлі бүр атқан,
қазағымның үнін есті даламнан.

Толық

Қарап көріңіз