Өлең, жыр, ақындар

Тартпасын елім тауқымет

Аңсаған бостан арайын,
аптап күн қақтап самайын.
Таразы көңіл тыншытпас,
тағдырдың тартқан талайын.

Шырылдап бала қолында,
ел-жұрты қалып соңында,
егіліп кете барды ғой,
айырмай оң мен солын да.

Болғанда жұмыр бас қайғы,
қастанып жолдан дос тайды.
«Ау» десе жау боп көрінер,
қарысқан жағын ашпайды.

Шындықты айту арман боп,
адал жан көп те қалған жоқ.
Дүние мынау жалған боп,
шынықты адам тарлан боп.

Өздіктен түспес көктегі,
еңбекпен ғана көктеді.
Асырап, баққан отбасын,
үйде – адам,
түзде – көкбөрі.

Бір үзім нанды бөліскен,
бір шыны суды тең ішкен.
Адасып кеткен туғандар,
қауышып қайта көріскен.

Тарихы оның терең-ді,
адамзат бұған таупық ет.
Еңсесі биік ел енді,
тартпаса екен тауқымет.



Пікірлер (0)

Пікір қалдырыңыз

Жамбыл жүзге бекер келген жоқ шығар

  • 0
  • 0

– Жамбыл жүзге бекер келген жоқ шығар, -
деп біреулер жақсылыққа топшылар.
Аз ба, көп пе – тағдырдың ол жазуы,
Хас талантта – жоқшы бар.

Толық

Ақ батам

  • 1
  • 0

Желбіреген тұлымың,
Тәтті сенің қылығың.
Ата-анаңды әрқашан
Қуанта бер, құлыным!

Толық

Киелі жер – Кереку

  • 0
  • 0

Айдынында билеген аққу керім,
Аққулы өңір – аймаңдай гаккулі елім.
Ақтоғай мен Тереңкөл – жауһарларым,
Айбынымның белгісі – Ақсу менің.

Толық

Қарап көріңіз