Өлең, жыр, ақындар

Аспан да жалғыз болмайды екен

Аспан да жалғыз болмайды екен –
төсінде бұлттар аунайды екен.
Жүректі сезім толғайды бөтен,
көңілді ойлар жаулайды секем.

Сарсаңға түсіп, сабасын баққан,
санаға таңба-тағасын таққан.
Құдайдан ғана жарасым тапқан –
жалғыздық кімнің жарасын жапқан?

Адалдық әркез аяусыз болар,
шындық та ащы сұраусыз қалар.
Сұлулық нағыз – бояусыз жандар,
сүйгенін іздеп, күмәнсіз табар.

Асқар да асқақ тауына қарап,
бақшасы менен бауын аралап.
Тіледім жырдың бауырға балап,
досына сыңар – жауына да бақ.

Аққулар қияр некені көлде,
жауқазын гүлдер мекені – белде.
Шаттығым сыйлап жетемін елге,
көктеммен егіз екенмін мен де.



Пікірлер (0)

Пікір қалдырыңыз

Ақ батам

  • 1
  • 0

Желбіреген тұлымың,
Тәтті сенің қылығың.
Ата-анаңды әрқашан
Қуанта бер, құлыным!

Толық

Қызылжарға барғанда

  • 0
  • 0

Қызылжар, жеттім саған ақпандатып,
жаудырып жауһар жырдан ақ таңға құт.
Жырауым Қожаберген, Сегіз серім,
Мағжаным жарық көріп, тапқан бақыт.

Толық

Өнегеге бай аға

  • 0
  • 0

Өмірі – дүние емес, сезімге бай,
өзінше өрнектеген сөзін де ұдай.
Өн-бойы өнеге мен төзімге бай,
өзгеше жаратыпты өзін Құдай.

Толық

Қарап көріңіз