Біртүрлі...

Өткізіппін сенсіз тура мың күнді
Бәлкім жүрек болмайтынға ұмтылды
Бір кездері "тек сендікпін" деуші едің
Сүйіп жүріп,жек көруің бір түрлі

Кездескенде тіл қатпадың ұяңым
Жанарыңда беймәлім сырлы мұң тұрды
Бар нәрсенің тез болуын қалаушы ең
Асығып кеп,кешігуің бір түрлі

Елестету мүмкін бе бір сәт түнді айсыз
Келіп-кетіп,жоғаласыз,тынбайсыз
Сезіміме куә нұрлы көктем деп
Қысқа айналып кетуіңіз ыңғайсыз

Бола алмадың сырыңа берік,сертіңе
Мен ғана күйген сезімге еріп,өртіңе
Қалағаның басқа әлем бе еді?Міне,енді...
Қоя бердім еркіңе...

Өткізіппін сенсіз,жалғыз,мың түнді
Алмастырып мұңдарыма күлкімді
Сені өзгенің құшағынан көрсемде
Жек көре алмай,сүйетінім бір түрлі...бір түрлі...

(С)Абзал Алтый Аскаров

---