Корейская косметика премиум класса

Шолпаныма

Шолпаныма...

Күлмес пе едім?
Өзіңменен өтпесе бір кештерім
Қаламына сыр айтып жүрген маған
Сен келмесең достықты білмес пе едім?

Батыл қызым
Жүрегімнің төрінде жатыр ізің
Ер көтермес қиынды сен көтерген
Бүгінгінің бүгілмес батыры өзің

Қысқы боран
Алла берген аямай күшті бұған
Сел қозғалса сыр бермес сабыры бар
Сан соққыға сынбайтын қыш құмырам

Гүл көктемім
Күлкісімен жасырар мұңды өткенін
Сағынышты сəтімді жеткізсін деп
Көңілімнің ұшырдым бір кептерін

Сағындырған
Сен дегенде Шолпаным жаным құрбан
Жеті көкті жеті орар өр мінездім
Мəңгі болсын жаралған бағың нұрдан

Тапшы білем
Жазсам да өзім дос жайлы таңсық өлең
Тағдырыма таң болған шуақтым ау
Мен сені жүрегіммен жақсы көрем!

Жанды ізгі
Сазға бөлеп салғанда əнді күзгі
Өмірімнің өлшеусіз бір бөлігі
Айырмасын жаратқан мəңгі бізді!

(С) Абзал Алтый


Қарап көріңіз


×