БАҚЫТТЫ ӨМІР, ОЛ - БҮГІН

Бақытты өмір, ол - бүгін,
Бірдей болған өң-түсің!
Ертеңгі күн - елес күн,
Көңілді өтсін бір күнің!

Бақытыңа бастайтын,
Жақсыға жоры түсіңді.
Ертеңге артар үміт көп,
Бағаласаң әр күнді.

Қолыңда тұрған Бақытты,
Жоғалтып сен алмағын.
Өткізіп ап уақытты,
Өкінішке қалмағын.

Бағаласаң әр сәтін,
Бақытты болар әр күнің!
Ертеңгі күн - елес күн,
Бақытты өмір, ол - бүгін!

---