Бай болу мақсат емес! – Махамбетәлиева Зере

Бір күні жігіт келді данышпанға,
Мықты өзі ұқсайтындай арыстанға.
Арманын аңқау жігіт айтты былай:
Болам қалай дəулетті,табысты аға?

Тарықпасам ешуақыт ештеңеден,
Қорықса екен барлығы əсте менен.
Үстімдегі шұрық тесік киімдерім,
Болсе екен жібек жіппен кестеленген.

Қожалық етсем деймін біраз жерге,
Атағым жетсе екен елден-елге.
Хандай сыйлап барлығы мына мені,
Айтқанымды қылса екен барлық пенде.

Данышпан сөзін болып осы жерден:
Доғар балам сөзіңді осыменен.
Дұшпаны- ашу болса адамдардың,
Ал, ақыл адамдардың досы деген.

Ақылың көрінеді саған елес,
Қазір сені ешкімде кедей демес.
Тыңда, балам, мынаны ұғып алғың-
Бай болу негізінде мақсат емес!

Байлығың ең бірінші амандығың,
Ойламас ешбір жерге жамандығын.
Ал, егер ақшасы көп бай болсаңыз,
Көп болар елге ойлап арамдығың.