Өлең, жыр, ақындар

Көмеміз музыкасыз

  • 21.03.2019
  • 0
  • 0
  • 2110
Сөз теріп ұйқас жаман, ырғақ қалап,
Жүрміз ғой ақын деген атты арқалап.
Шығарсақ өлең жинап көңілдіміз,
Жырладық дей саламыз өмірді біз.
Жинақтар жатыр жауып жауған қардай,
Солардан тапқан кәне олжам қандай?
Қаншасын жұрт қуанып алар екен,
Қаншасы беті ашылмай қалар екен?
Сар жамбас сал аурудай төсектегі
Білеміз көп кітапты есептегі.
Жатады сол жатқаннан қозғалмайды,
Артында «оу» дейтін де сөз қалмайды.
Көмеміз музыкасыз, некрологсыз,
Қайысқан қабырғасы қалың жұртсыз,
– Жерленді жинақтардың бірі, - дейміз,
Шүкірлік, авторы әлі тірі дейміз.



Пікірлер (0)

Пікір қалдырыңыз

Өзім туралы

  • 0
  • 0

Атаққа мен алданбадым,
Ақшаға да жалданбадым.
Қарным тойса паңданбадым,
Қарным ашса қорланбадым.

Толық

Жайлау

  • 0
  • 1

Шыжыған ыстық айларда
Не жетсін тауда жайлауға!
Жайылған малға қосылып
Жатады бұлттар сайларда.

Толық

Коммунист сөзі

  • 0
  • 0

Ал, достар, тыңдаңдар үлкенді,
Шашым ақ, үлкенмін көбіңнен.
Сүймеймін сырымды бүркеуді
Сендерден, әсіресе Лениннен!

Толық

Қарап көріңіз